الأربعاء، 29 سبتمبر 2010

لن تموت

يا أخي تعالى

فأمي تنادي

باكية تنادي

مختنقة بالدمع

فوق كرسي الإعتراف

تعالى نطوع نهر الدموع

ونغرق القهر ...والإله



يا أخي رافقني

إلى السهل أو إلى أعالي الجبال

نقطف زهرا

ونصر تاجا لأمي الملكة

مصلوبة...

لا ترفع ولا تموت



من ثدييها تسقي الإله خمرا

تسقيه حبا فيصلبها

يعري جسدها ويعرضه في المزاد

والكل يتفرج ولا يشتري

وفي الليل يسقي البلاط خمرا

احتفالا بنصره المزعوم



يا أخي تعالى

فالآخرون صغار

يحبون اللهو وصلب الجثث

يعشقون شرب الدماء

تعالى،

ولنروي للرفاق القصص

قصص موت الآلهة

فأمي سترفع

أمي ستحيى...

أمي لن تموت





الإله

الثلاثاء، 28 سبتمبر 2010

عفوا ياسيادة الوزير

ألسنا مواطنين تونسيين؟؟ يا نقابة الهانة، أليس لنا الحق في تحية علم بلادنا؟؟ هل أطلب المستحيل؟؟

بدأت الحكاية عندما قرر سيادة وزير التربية أن تكون تحية العلم داخل الأقسام. وان لا تتم في ساحات المدارس والمعاهد.

يا سيادة الوزير، هل أن تحية العلم في مؤسسات التربية حكر على التلاميذ والأساتذة؟؟

والقيمون والإداريون والعملة؟؟ يا سيادة الرئيس ، يا سيادة الوزير، يا مندوبين جهويين يا مدراء، أليس لهؤلاء الحق في بداية يومهم على النشيط الوطني للبلاد؟؟

في البداية حرمني سيادة وزير الداخلية وزبانيته من الابحار الحر على الانترنت وقاموا بحجب مدونتي ثم منعت من استعمال الشبكة الاجتماعية " فايسبوك " وإلا سيلحق بي وبعائلتي الضرر.

والآن تحرمونني من تحية علم بلادي؟؟

وحرقتي عندما أرى نقابات التربية منغمسة في التنديد بالتوريث والتمديد ومساندة اضراب الجوع لطباعة جريدة الموقف ورفض السفارة الأمريكية على التراب التونسي...... ونسيت حقي وحق غيري في تحية العلم على ألحان وكلمات النشيد الوطني.

أفيقوا فهذا ما يريدونه، وطز في الانترنت وطز في الولايات المتحدة الامريكية وطز في كل الأحزاب والنقابات إن كان حل مشاكلها يساوي حرماننا كمواطنين تونسيين من تحية العلم الصباحية في المدارس والمعاهد

الاثنين، 27 سبتمبر 2010

قبلة

جلس
وعيونهم تبكي
دما
فلا دمع في المقالي
قبّلته كرضيع
فما أدراك أنت بالغالي

قال
يا أما لا تبكي
فلا حبا بعد الوطن لسواك
قالت
سر ولا تخف
فدمي مباح
للوطن بعد دماك

أيا مخبرا لا تسل
فعلى الوجوه كتب الحال
مكان صنعك واضح
ولن تجني سوى الوبال

يا سيدي القاضي
استمع
وبغير الحق لا تقاضي
فيد الآلهة لن أقبّل
وإن أردت فبحكم الظلم عجّل

فلي أمل في غد
يكون فيه الحال غير الحال
ويا أما عائد أنا
وليقولوا "طالب" المحال.


الإله


مساندة للطلبة المساجين.......مساجين الحرية وكلمة الحق

يا رفيق أفق

يا رفيق أفق

فنار الحب ألهبت قلبي

والطريق طويل

وإلى الثورة الاتجاه



يا رفيق أفق

واستغل هبوب الرياح

لتلقح الأزهار

وتنبت زرعا جديد



يا رفيق أفق

فبراعم الأمل تتفتح

تحت الثلوج

في قلب الصحراء

وفي الأرض الجرداء



يا رفيق أفق

واسقها علما

اسقها ثورة

فثورتي تخنقني

وتعتصر قلبي



يا رفيق أفق

فالجراد يأكل المحاصيل

والبعض نيام

والبعض يهوى الماء العكر

وبالسراب يداري العورة

والبعض يتلو التراتيل

من كتب السحر

ويصلي

ليبارك الرب الجراد

وليأكل محاصيل الفقير



يا رفيق أفق

واسقي البراعم شوكا

فالجراد لا يأكل

فالجراد يخاف صبّار الثورة





الإله

الأحد، 26 سبتمبر 2010

تنحية ملامة وحكّان الخشم

يا وخياني يا وخياني

راهو حب بلادي كواني

والجنسية ما عطاوهالي

وانا مكبّش نحب ناخو الجنسية التونسية، وحتى كي شرطو عليا 3 جرائد تونسية ناخوها كل يوم قبلت وزت اجتهدت وولّيت ناخو معاهم في جريدة بالفرنسية هي " لو تون" بيناتنا نلقا باش نقرطس وباش نمسح بلاّر الشّبابك.

لكن شي ماحبوش يعطيوني الجنسية. وبما اني كائن فضائي وعندي امتيازات على الأرض قلت برا نقابل سيادة الرئيس متع تونس.

أيا دقيت على الشباك وقعدت نستنّا. أنا هكاكا ونسمع في بكا وعياط. دارو بيا لحنوشة ودخلوني ملباب. قلتلهم ياخي موش في تونس لعباد لكل يدخلو مشبابك؟؟ قالولي دوويو تعيا ونتي تقبض، راك ماكش في تونس، إنت في القصر والقصر دولة وحدو لازمك فيزا باش تدخلّو.

المشكل هي إلّي أنا كي خترت الشباك اللّي باش ندخل منّو طلع بزهري الخرا شبّاك سي محمّد.

المهم دخلوني وجاني سيدكم الرئيس في روب دو شومبر بالنّوّار ويحك في خشمو، مسكين وواه جات المدام بسورفاتمون.

قعدوني وهوما واقفين قدامي.

قلّي يا هم شبيك جاي عقاب اللي؟؟ ناوي تسرقني؟؟ تي ماعندي شي في هالبلاد فلوسي الكل بعثتهم للخارج وهو قاعد يحك في خشمو.

قتلو لا يا سيدهم، أنا جيت نشكيلك، راني نحب على الجنسية وماحبوش يعطيوهالي

وديما يدو في خشمو يحكّ فيه.

قلّي تعرفش كيفاش؟؟ هاو نومرو نسيبي أطلبو تو يعاونك، وكان عندك شويا فلوس تو يقضيلك في دقيقة وتولّي مواطن تونسي ومحروم من حقوقك السياسية.

وهو يحك في خشمو

أحنا هكاكا وجا وزير الاقتصاد.

سي الوزير أمورو ماتعجبش الموازنة المالية كي وذني

المعلم وهو يحك في خشمو قالو

تي ماو قتلك كلم نسيبي برّا كلمو يا خرا تو يحلّك المشاكل الكل

مشا لوزير وجا الطباخ متاع القصر يسئل على العشا شنوة

المعلم يحك في خشمو قالو كلم نسيبي شاورو

أنا هكاكا والمدام كرّزت قتلو تي شنو ماناش باش نرقدو ياخي؟؟

حكّ خشمو وقالها......

..............................

..........................

حتّى نشاور نسابي

حكّيت أان خشمي وقلبت منظري وقبل ماننسى خذيت نومرو نسيبو

الخميس، 23 سبتمبر 2010

تنحية ملامة والجنسية التونسية

أيا سيدي أنا الكائن الفضائي، بالطبيعة اذكرتوني، ماني بعد مادرت البلدان الأرضية الكل وأنا نعمل في دراسة على الكائن البشري. قررت باش نستقر في تونس.

اي باش نستقر في تونس، آش ناقصها تره؟؟ بلاد الأمن والأمان، مافماش قمع للحريات، بااارشا نقابات تخدم على رواحها وبالطبيعة النقابيين التوانسة فاهمين الدور متاعهم بالصحيح، إل توّا ماريت واحد فيهم دخّل نشاطو السياسي في النقابي، تي في العالم الكل العمل النقابي شكشوكة ولازم تدخل فيها السياسة، لكن في تونس الشي هذا موش موجود.

بالأمارة نقابة التعليم الثانوي في بنزرت عملو اعتصام قدام المندوبية الجهوية للتربية على خاطر الوزير زادهم في فلوس الإصلاح في الباكالوريا.

لا لا موش عملو هكاكا على خاطر ميحبوش الزيادة وحاسين بالأزمة العالمية..لكن على خاطر كي زادوهم تشاورو مع جماعة الحزب الحاكم أكاهو. تي نرجعو ال موضوعنا الصحيح الي هوما عملوا اعتصام عل سبب واضح وفي نفس الوقت هازين بلايك فيهم " لا لسفارة أمريكية على الأراضي التونسية" ووحدة أخرى فيها " جيوشنا في العراق تحارب...." تي بالله شمدخلكم انتوما في السياسة التونسية؟؟؟؟

حاسيلو بما إنّي نحب نستقر في تونس ونجيب المرا والصغار يعيشو في أرض الحريات والتعددية والأخلاق،قالولي لاومك تاخو الجنسية أي أي الجنسية جملة وتفصيلا... وبما إنيباش ندخل فلوس للدولة من الأمم المتحدة هام سهلولي في الشروط باش ناخوها هالجنسية.

قالولي تشري كل يوم ثلاث جرايد هي الصباح والشروق و.. الموقف.. تي لا غلط هذيكا حكاية أخرى متع " إل|ي ياخو جريدة يدخل يتفرج في السهرية ومعاها كعبة بقلاوة لكن بلاش بابيي سرفيات ماو بالطبيعة تحط البقلاوة في الجريدة. فهمتو توّا؟؟

الرب الكريم أنا الروتين والستراس ضربوني بفاس على قبّي

خليوني نسكت خير ملّي يبطلو ومايعطيونيش الجنسية. ناخوها ومبعد نحكيو

الأربعاء، 22 سبتمبر 2010

مهزوم أنا

في حاضري، مهزوم أنا
ولكن لي أمل
في فجر الحرية لي أمل
في صراخ المستضعفين لي أمل
لي أمل
في قوة الرعد الغاضب
في ثورة الموج
في ريح تشتت سحاب الظلم

لي أمل

حين أفكر في جوع اليتيم
حين أفكر في العامل
حين أفكر في المسقطين على القضية
حين أفكر في ليالي الموقوفين
والمعتقل
في برد السجون
في وحدة الزنزانة
في القوارير...وأعقاب السجائر

ولي أمل
ولازلت أحبها
باكية
جالسة على مقعدها
...تنتظر السراح
معصمها مدمى
من قيود الملوك والرؤساء
ولا تشتكي
بل تنتظر
ولي ولها أمل


الإله

الخميس، 16 سبتمبر 2010

باقة ورود

أنف شرطي مدبب
شعر أبيض
سودته الصباغ
كثرة شر
أبعدت قامتك عن السماء
لونك شاحب
صوتك كنعيق الغراب
جهل سنوات الرسوب
صفات إله الأغبياء

فلتغادر سيدي
بحق ملايين الجياع
بحق شرطة الإحتباط
بحق عصيهم...والقوارير
بحق قضبان السجون
بحق عرق العمال
بحق شقاء شعبي
والبلاط غارق في المجون

فلتغادر سيدي
فقد لقنتنا كل الحيل
وخطاباتك
سخرت منها العقول
شعاراتك
سنة الشباب
سنة التضامن
سنة العلم.. والتشغيل
شعارات لا تستفز أكفنا
وكالشهب مآلها الأفول

فلتغادر سيدي
أخذت المال
رسخت الجهل
بعت شعبا
عريت شعبا
صلبت شعبا
واشتريت رداءا من الحرير للأغنياء

فلتغادر سيدي
وإلاّ
سيهوي الحطاب
بالفأس على الجذوع
ستندلع الثورة
ستنبش الأيدي
تراب العروق
وستموت الشجرة وحيدة
ككل غادر
....عاشق للفسوق

سيدي
حبيبتي تريد وردة
والجوع يقطّع الأمعاء
فارحل سيدي
ليشرب شعبي كأس الحرية
وينتشي بصادق الوعود
فارحل سيدي
لأهدي لحبيبتي
باقة من الورود


الإله

حلمت

حلمت بأني
أراقص الحرية
في الشوارع
على لحن خلود الكلمات
فأفقت
والقضبان قد سدت
كل دروب الحياة
والأشواك قد اندسّت
وسط الألحان
والخطوات

حلمت بأني أداعب شعرك
ألتحف به
أتقي برد الشتاء
فأفقت
وبخصال شعرك
خيطت أردية الأثرياء

حلمت بأني
آكل خبزا...وزيتونا
حلمت بأني
أشرب ماء العيون نقيا
وأنك أرض معطاء
فأفقت
وكان السراب..
والرمال الجدباء
تحيط بالفقراء
كانت واحاتا
ولكنها حبيبتي
ملك للأغنياء

حلمت بأني
أحمل رايتك على كتفي
حلمت بأني
أنادي:تحيا بلادي
وصوتي بالغ عنان السماء
فأفقت
وجاءني الصدى
رجما بالحجارة من الحكماء

حلمت بأني
وأني....وأني
ولكنك أخلفتني الوعود
...............دون حياء
حبيبتي
مالي من حلول
سوى أن أعري الأغبياء
أن أصلبهم
وألتحق بصفوف الشهداء
ألتحق
بصفوف المساجين من الشعراء

الإله

الأحد، 5 سبتمبر 2010

تنحية ملامة وعمار 404

أيا لولاد اذّكّرتوني ماهو؟؟ أنا الكائن الفضائي اللي كل مرة نحكيلكم على الكوكب الي نعيش فيه الكوكب الباهي المزيان اللي فيه لون برك ومافيهش طحانة والعباد الكل تحب بعضها والحكومة في خدمة الشعب.....أيا المرة هاذي صدمتني حاجة غريبة صدقوني عندي شهر نحب نفهمها ولليوم ملقيتهاش..الحاصل قريب نضيع الفيستة ومافهمتش...ماني قلنلكم اللي أنا مبعوث خاص من بلادي وقاعد نعمل في دراسات على الكائن البشري والتونسي خاصة.والحل اللي لقيتو هو انّي نعمل كونت فايسبوك ..المهم حليت كونت وقلت برّا اشّقنس واتعرّف على النّاس..مبعد بنهارين ، عصباح جيت باش نحلّ الكونت متاعي قالّي عصصصصب اح باش تحلني ؟؟ لوّح عليك..ورفض الصّخطة.فهمت اللّي هوما فسخوه..أيا عاوت الثاني وأنا لاهي نبعث في انفيتاسيونات لصحابي وهوما يبعثولي ..المهم مشيت باش نرقد فرحان...مبعد جمعة ولاّ ثنين جاني ميساج من طفلة مانعرفهاش قتلي راهو المبيد الحشري حاطك في القناص وحاطلك برفيلك على صفحتو...بون أنا ستغربت علا خاطر الدين الإسلامي معروف بالتسامح ويدعو للنقاش موش القرصنة والتعسف...وزت ضبّعت كيف من غدوة الكونت تفسخ مرّة أخرى .المهم ولاّتش حكايت عناد، مشيت عملت كونت آخر...والمرّة هاذي قلّي 404 نوت فاوند...الرّبّ الكريم شنيا هالحكاية؟؟ ياخي مازال عندكم 404 في تونس؟؟ أحنا حتّى الهامر قريب نقطعوها ...تي ولاّت ديمودا...الخلاصة هاتو اعطوني قرطلتي ماحاشتي في عنب، غدوة نروّح وحتى كان ماروحوش بيا تولي غدوة نحرق.

..وإلى اللقاء في حلقة جديدة

الجمعة، 3 سبتمبر 2010

تنحية ملامة 2

أيا ياسيدي تعرفوشي أول قضية سمعت بيها وصداها وصل حتى للمجرّة متاعنا، وعملنا على خاطرها اضرابات ومظاهرات وتكتلات ومبايعات؟من غير ما تدخلو بعضكم، القضية هي القضية الفلسطينية،. نعم كيفاش؟ قتلي مسمعتش بيها؟تي برا بركا ماو قلتلكم أحنا ياسر متقدمبن عليكم. تي شبيكم تصيحو؟ "بالروح، بالدم" أي صحيح لكن إي شبيه كان ماتو شوية صغار؟ تي من دنيتهم لجنتهم، تي يوليو عصافر جنة، تقعدشي الجنة بلاش عصافر؟؟؟وحتى الجنة، تلحقو عليها انتوما؟ تي ولاّت بالأكتاف، هاو عندي تيكا، شكون يشري؟؟أخطاونا يزي بلا حسّ تو مبعد نحلّو مزاد.قلتلكم إلي هاك الصغار اللي يموتو ديراكت للجنة، وزيد فيبالكم إلّي عدد السكان في الأرض ماشي ويزيد بصفة غريبة، على هذاكا يلزمنو نحدو وانددوا ونشجبو الإنفجار السكاني، على خاطر القرام أكسيجان باش يولي باك الحسبة.ولّي قاعدين يعملو فيه الإسرائيلين نوع من المزايا على الإنسانية.تي هام قاعدين يعملو في الخير وينقصو من العباد، أون بلوس الفلسطينيين قاعدين جواعا، اما خير تراه، يموت شهيد ويمشي للجنة باش يلقا حور العين وأنهار الخمر والغلة من كل لون، ولاّ يموت من الشر؟ ولا يومت وهو يسرق من عندجيرانو المصاروة مساكن؟ تي هوما حتى يخلطو باش يوكلوا ولادهم، وحتى يخلصو ديونهم لأمريكا.وعلى ذكر الماريكان، هوما أول عباد خمموا في الإنسانية وعملوا عليها مزايا، نبداو بهيروشيما حتى نوصلو للعراق وأفغانستان وأنفلونزا الخنازير.حاسيلو شكرا لأمريكا وشكرا لإسرائيل، وشكرا لكم إنتوما إلي سمعنا إلي باش تعملو وزارة جديدة هي وزارة الفقر. وهاتو نحطو نقاطها على حروفها المرة الجاية ونعطيكم أفكار جديدة حاولو اطبقوها

يتبع

الخميس، 2 سبتمبر 2010

تنحية ملامة...

أنا من كوكب بعيد، فيه بلاد الدنيا لكل فيها لون واحد لون الفرحة. أيا ياسيدي ريتكم انتوما سكان الأرض داخلين بعضكم حبيت نحكيلكم على بلادي باش تاخذو المواعظ.
أحنا بلادنا نظيفة ياااسر نظيفة، تي أنا ساعات نهز ولاد الحومة ونعملوا حملة نظافة, رغم إنو السلطات موش مقصرةتي شوارعنا "بارتار" تشوف فيه وجهك.
في حومتي,الامن والامان, تي ساعات بابا يهز جراية في الليل ويخرج يرقد في راس النهج.
حاسيلو, إلكلناوطنيين، تي على سبيل الذكر وبره، أنا مرة تعاركت معا جاري، ما تخافوش موش على حيط ولا على زيقووات، لا على حرثا لا على ورثا، لكن تعاركنا شكون وطني أكثر من صاحبو، حاسيلو مشينا للمركز.ماو الجندرمية هوما اللي لاهين بالحكايات هاذي، تي قلتلكم الدنيا عنا ياسر منظمة.
حاسيلو، استقبلنا عرف الجندرمية، باسنا كل واحد بوستين وقبل ما نتكلموا قالنا شنيا قهاويكمقتلو أنا هاتلي.... قص عليا السيد وقال لا قبل القهوة يلزمكم تفطروا، يا ولدي لا تي لا والله ماصارها حاسيلو كبش "وأحنا في خدمة المواطن ، إنتوما أولا...."أيا حاسيلو فطرنا وشربنا قهاوينا،.....
أحنا هكاكا وجا واحد من الجندرمية ومعاه شويا ولاد، عرفنا مبعد إلي هوما طلبة، أيا سيدي الطلبة هاذوما حكايتهم حكاية، هاذوما إيشوهو في وجه البلاد، قالك معتصمين ولا شنيا، غريبة، صدقوني في بلادنا، هاذي غريبة تي آش يحبوا، تي كل واحد عندو بيت في المبيت إلي يختارووفيها الأنترنات و تلفزة و بلاي سيايشن ثري وحاسوب عائلي هدية وكل شي بلاش. لكن الجماعة هاذوما اعتصموا باش ينقصو من ها المصاريف المجحفة للدولة. وياسيدي زادو ولاو يدخلوا في حاجات ما تعنيهمش ، إيحبوا يا سيدي بن سيدي ينقصو من نحة البطالة، قالك بارشا ويحبو يعطيو منها شويا للرياضة تي حتى 3 مليارات، على خاطر ها القطاع موش لاقي حضو.
كيف كيف باسهم عرف الجندرمية وجابلهم الفطور والقهاوي...
لهنا إخوتي روحت أناوجاري وأحنا الزوز شاكين في وطنيتنا ، شوف هالطلبة كيفاش يخافو على مصلحة الدولة وأحنا طلعنا نحبو رواحنا....
يتبع